တရားသူကြီး ဦးတူးမော်
တရားသူကြီး ဦးတူးမော်သည် ကချင်ပြည်နယ်တရားလွှတ်တော် တရားသူကြီးအဖြစ် ၂၀၁၉ ခုနှစ်၊ အောက်တိုဘာလ၊ ၃ ရက်နေ့တွင် ခန့်အပ်ခံခဲ့ရပါသည်။ ဦးတူးမော်သည် ကချင်ပြည်နယ်တရားလွှတ်တော်၊ ပြည်နယ်တရားရေးဦးစီးမှူးအဖြစ် ၂၀၁၈ ခုနှစ်တွင် ခန့်အပ်ခံခဲ့ရပါသည်။ ဦးတူးမော်ကို ၁၉၆၁ ခုနှစ်တွင် မွေးဖွားခဲ့ပြီး ၎င်းသည် ၁၉၈၄ ခုနှစ်တွင် ရန်ကုန်တက္ကသိုလ်မှ ဥပဒေဘွဲ့ကို ရရှိခဲ့ပါသည်။ ၂၀၀၂ ခုနှစ်တွင် စီးပွားရေးဆိုင်ရာ ဒီပလိုမာဘွဲ့နှင့် ၂၀၀၃ ခုနှစ်တွင် ရေကြောင်းဆိုင်ရာဥပဒေဒီပလိုမာဘွဲ့တို့ကို ရရှိခဲ့ပါသည်။ ဦးတူးမော်သည် ၁၉၈၅ ခုနှစ်တွင် တရားရေးအရာရှိ အဆင့်(၄)အဖြစ် တရားရေးဌာနတွင် စတင်ဝင်ရောက်ခဲ့ပြီး ဧရာဝတီတိုင်းဒေသကြီးတရားလွှတ်တော်၊ တိုင်းဒေသကြီးတရားရေးဦးစီးမှူး(ညွှန်ကြားရေးမှူး)အဆင့်ထိ စုစုပေါင်း လုပ်သက် ၃၄ နှစ်အထိ တရားရုံးအဆင့်ဆင့်တွင် တာဝန်ထမ်းဆောင်ခဲ့ပါသည်။ ဦးတူးမော်သည် အိမ်ထောင်ရှိသူ တစ်ဦးဖြစ်ပြီး သား ၃ ဦး၊ သမီး ၂ ဦး ရှိပါသည်။
နောက်ဆုံးရ သတင်း
နှစ်စဉ် အစီအရင်ခံစာ
